Пита со маслинки и зденка(со готови кори)
Состојки
- Состојки
- 500 гр готови кори за пита
- 250 гр зденки
- 250 гр сечени маслинки
- Состојки за прелив за корите
- 4 јајца
- 180 гр кисела павлака
- 180 мл кисела вода
- 150 мл зејтин
- Потребно е уште сусам за поросување
Подготовка
Се што се прави со готови кори е брз оброк, така и оваа пита е брз и вкусен појадок или вечера.
1. Прво го подготвуваме преливот. Со миксер ги матиме јајцата, ја додаваме павлаката, киселата вода и зејтинот, пак кратко матиме и преливот е готов.
2. Плехот го намастуваме со зејтин. Прво ставаме најдолу четири кори, преклопени преку плехот до половина. Премачкуваме со 2 лажици од преливот. Ставаме пак кора, премачкуваме со 2 лажици од преливот и ставаме сечени зденки и сечени маслинки. Пак две кори со прелив, ставаме од маслинките и зденките и така се додека се потрошат корите. На најгорната кора ги преклопуваме четирите кори, премачкуваме со преливот кој ни остана.
3. Питата ја сечеме на парчиња, поросуваме со сусам и ја вклучуваме рерната на 200 степени. Кога ќе се загрее, се става питата на печење. Се пече околу 30 минути на 180 до 200 степени односно се пече на 200 додека да зарумени, а потоа се намалува на 180 степени.
За да ви се сечат зденките подобро, излупете ги , наредете на даска за сечење и ставете ги малку (неколку минути) во ладилник.
На здравје.