Чиа пудинг со банана
Состојки
- 1 банана
- 1 лажиче мед
- 1 лажица чиа
- 90 мл јогурт
- за топинг кршени ореви и шлаг
Подготовка
На темата со банани, инспирација ми беше да го смучкам овој чиа појадок и испадна баш како што го замислив. Како да јадеш од оние купените овошни јогурти со вкус на банана.
1. Испасирајте ја бананата и потоа измешајте ја кашата со медот. Додадете ги јогуртот и чиата, измешајте убаво.
2. Истурете ја смесата во чаша и покријте ја со капак или, стреч или алуминиумска фолија .
Оставете ја во фрижидер преку ноќ.
3. Издробете ореви, ставете шлаг и над него повторно ореви.
Послужете за појадок.