Мешани печурки со свинско месо
Состојки
- 300 гр свинско месо
- 250 гр мешани маринирани печурки
- 1лажица путер
- 1чешне лук
- 1главица кромид
- 1 пакување за крем сос
Подготовка
1. Месото го ставаме да се динста во пилешки бујон. Нека повари, па штом гледаме дека се дели како кончиња, тогаш тргнете од оган.
2. На лажица путер запржуваме една главица кромид и чешне лукче. Стаклената боја ни кажува дека е готово, па ги додаваме мешаните печурки. Јас ги обожавам искрено. Ретко кога ги наоѓам свежи мешавини, но овие маринирани од тегла ми се омилени. Превртуваме да ги фати топлото ,и да се засушат од маринадата. Пред да се засушат целосно, го додаваме мевцето кое претходно го спремивме. Благо ги соединуваме и запржуваме на тивко.
3. На страна мешаме макување за крем сос за месо и печурки. Го разматуваме со 300 мл вода, па го прелеваме во тавата. Промешуваме и оставаме да се згусне. Откако е спремно, префрлете во тава.
Тавичкава е превкусна. Ве советувам да си земете и една чаша винце, ќе се насладите.
Нека ви е слатко.