Чоколаден пудинг колач со банани
Состојки
- 3 банани
- 300 гр бисквити
- За крем пудинг
- 300 мл слатка павлака
- 700 мл млеко
- 5 лажици шеќер
- 2 лажици полни брашно
- 2 пудинга од чоколадо
- 100 гр кисела павлака
- 100 гр чоколадо
- 150 гр путер
Подготовка
Совршен вкус на кремасто чоколаден фил во комбинација со банани и бисквити, ете таков е овој десерт. Едноставен, а многу лесен и вкусен!
Подготовка
1. Во 200 мл млеко ставаме прашок за пудинг, брашно, шеќер и соединуваме да нема грутки.
2. Остатокот од млекото задно со слатката павлака го доведуваме до вриење.
3. Ја истураме соединетата смеса со пудинзи во течноста и мешаме додека да се згусне.
4. Го тргаме на страна оставаме 2-3 минути малку да подолади, па ја додаваме киселата павлака.
5. Потоа ги додаваме путерот и чоколадото и мешаме до растопување.
6. Ги редиме бисквитите на дното од помало тавче, па истураме дел од чоколадната крем пудинг смеса.
7. Ги редиме бананите пресечени на половина по должина.
8. Врз нив повторно ставаме од чоколадната смеса.
9. Редиме повторно бисквити, па залеваме со остатокот од пудинг кремот.
10. Оставаме да се излади и стегне во фрижидер.
Забелешка
Користев два типа на бисквити, едните класична правоаголна форма, а другите во форма на пишкоти, ама по состав класични.