Салата со печурки и моцарела
Состојки
- Состојки
- 1 путер марула
- 100 гр моцарела
- 300 гр свежи печурки шампињони
- 10 шери домати
- Прелив за салата
- 3 лажици маслинов зејтин
- 1 лажичка сол
- 2 лажици јаболков оцет
- 1/2 лажичка куркума
Подготовка
Еве еден рецепт за несекојдневна вкусна салата.
1. Марулата се мие и се сече на парчиња.
2. Печурките измиени и исечени на половина ги запржуваме со зејтин и сол. Се тргаат на страна да оладат.
3. Врз исечената марула се додаваат печурките, исечените шери-домати и исечената на парчиња моцарела.
4. Во една мала тегличка ставаме маслинов зејтин, оцет, сол и куркума. Убаво промешуваме. Со овој прелив ја полеваме салатата. Мешаме и служиме.