Кремпита
Состојки
- 2 парчиња лиснато тесто од по 500 гр.
- За фил
- 10 јајца
- 300 гр. просеано бело брашно
- 2 дл. ладна вода
- 2 л. млеко
- 5 ванили
- 300 гр. кристален шеќер
- 200 гр. шеќер во прав
Подготовка
1.Лиснатото се развлекува колку опачината на тава со димензии 32 на 39 цм.Се поросува тавата со брашно, се става кората на опачината. Се боцка со нож на повеќе места и се става да се пече во загреана рерна на 220 степени околу 10 мин.. Постапката се повторува и со другото тесто. Се оставаат да се изладат, а едната кора се сече на коцки и тие ќе се стават најгоре.
2.За филот
Жолчките се делат од белките. Се матат, им се додава брашното, водата и млеко по потреба за да се добие течна смеса. Се става остатокот од млекото да зоврие со ванилите и шеќерот кристал. Се матат белките со шеќерот во прав. Штом зоврие млекото се додава смесата од жолчките и се вари густ крем.
Потоа на тивок оган во два наврати се додаваат изматените белки и се меша со лажица да се соедини со кремот, по минутка до две.
3.Се става кората во тавата, таа што е цела, се истура жешкиот фил, па се редат коцките од лиснатото.
Се остава да се излади на собна температура, па во фрижидер.
Пред служење се наросува преку цедалка со шеќер во прав.
И после уживајте во сладењето!