Пастрмајлија со димено месо
Состојки
- 1 кг. брашно
- 1 квасец(40гр)
- 1 пециво
- 2-3 лажици сол
- 2-3 лажици шеќер
- 100 мл. газирана вода
- 100 мл. масло
- по потреба топла вода да се замеси средно меко тесто
- фил
- 300 гр. сецкано свинско месо
- 300 гр. димено месо
- сол, бибер, буковец, мешан зачин по вкус
- 2-3 лажички свинска маст
Подготовка
Подготовка
1. Се замесува меко тесто. Се остава да нарасне(додека не нарасне дупло). Потоа тестото се дели на четири дела. Се формираат топчиња и се оставаат уште десетина минути да нараснат.
2. Од топчињата од тесто се развлекува пита. Околу неа, од тестото се оформува венец. Врз тестото се редат парчињата свинско месо и сецканото димено месо. Се додава една полна лажица свинска маст и се распоредува низ целата пита. Се става да се пече во загреана рерна на 250 степени .
3. Откако ќе ја извадиме од рерната , венчето на пастрмајлијата се премачкува со свинска маст , се завиткува во мрсна хартија и во чаршав и се остава да омекне.
Добар апетит!