Кекс со гриз и лешници
Состојки
- За кекс
- 4 јајца
- 2 ванили
- 1 чаша шеќер
- 1 чаша масло
- 1 чаша млеко
- 1 чаша просеано бело брашно
- 1 чаша гриз
- 1 чаша мелени потпечени лешници
- 1 пециво
- За шербет
- 500 гр. шеќер
- 600 мл. вода
- 1 ванила
- малку лимонов сок
- За одозгора
- 2 шлаг пени
- 250 мл. ладно млеко
- *Чашата е од 200 гр.
Подготовка
Класика... Вкусно, ароматично....
1. Јајцата се матат со шеќерот и ванилата, додека го зголемат волуменот неколку пати и се добие убава кремаста маса. Се додаваат другите состојки, на крај брашното помешано со гризот, лешниците и пецивото.
2. Се излева во калап со пречник од 30 см, претходно намрсен со масло и наросен со мелени лешници.
Се пече во загреана рерна на 180 додека порумени, т.е. до сува чепкалка.
3. За тоа време се подготвува и шербетот. Се вари шеќерот со водата, ванилата, штом зоврие малку лимонов сок и се вари уште 5 мин. на умерен оган. Се полева со жежок шербет жежок кекс.Се остава убаво да излади.
4. Се матат шлаг пените со млекото и се нанесува врз кексот. Се поросува со лешници. Се сече и послужува.
Уживајте!