Испечати

Похован праз со сирење

Похован праз со сирење

Состојки

  • 2 страка(по потреба) праз
  • 100 гр сирење
  • 1 јајце
  • неколку лажици брашно
  • неколку лажици лебни трошки
  • по потреба масло за готвење

Подготовка

Интересен начин на употреба на празот, како мезе, и како дел од похована даска.

1. Празот го чистиме, миеме и сецкаме на помали парчиња (најмногу околу 5цм). Го ставаме во тенџере со вода и сол, вариме кратко додека да омекне. Го цедиме празот од водата, му го вадиме средишниот дел - кој не се фрла (и него го поховаме). На местото од средишниот дел ставаме парче сирење.
2. Готовите парчиња праз ги поховаме на следниот начин - прво во јајце, па во брашно, пак во јајце, па во лебните трошки. Пржиме во загреано масло на средна температура до заруменување. Ги вадиме врз хартиена салфета да се упие вишокот мрснотија.

Послужете додека се топли.