Пикантна супа со праз
Состојки
- 15 см праз
- 10 см корен од пашканат
- 15 см морков
- 2 лукчиња
- 1 кромид
- 4 см корен од рен
- магдонос неколку листа
- сол и бибер по вкус
- прстофат куркума
Подготовка
Нема ништо полесно од подготовка на ваква зеленчукова, здрава и вкусна супа...
Подготовка
1. Зеленчукот го сечкаме на парчиња со околу 2 см.
2. Сите состојки заедно со зачините ги ставаме во садот за варење и блендирање на Мултифреш блендерот.
3. Доставаме вода до обележувањето, затвораме капакот и го вклучуваме блендерот на функција варење и блендирање.
Си вршиме друга работа или одмараме =)
За 20 минути супата ни е подготвена, жешка и вкусна.
На здравје!
Забелешка
Ако немате ваков блендер, ставете ги состојките да ви се варат и потоа со рачен блендер или блендерот што го имате дома, испасирајте го сварениот зеленчук.
Дополнително знам да ставам и лажица сушен зеленчук за поинтензивен вкус.
Најчесто на ваквите супи кога ќе ги сервирам им додавам маслиново масло, а сакам многу и бибер.