Пржени папалини(гирици)
Состојки
- 500 гр папалини
- 100 гр пченкарно брашно
- 150 гр обично брашно
- 500 гр масло за пржење
- 1 лажица зачин за риби
Подготовка
За најдобро чистење на гириците, ви го претставувам овој начин.
1. Ставете ги рипчињата во голем сад со вода. Фатете го рипчето од кај главата па повлечете на кај стомакот, на долниот дел. Ќе излезе комплетно се што не е потребно за пржење. Исплакнете и редете на кујнска хартија. Така чистени папалините промешајте ги со сол а потоа во пченкарно брашно.
Зачинете со зачин за рипчиња. Оставете да постојат.
2. Додека го загревате маслото, истурете обично брашно на една хартија, па рипче по рипче премачкајте ги. Пуштајте во врело масло. Нека се превртат по неколку пати и вадете на хартија да се упие маслото. Кога ќе завршите со сите рипчиња, посолете повторно, ако не ви се доволно соленки.
Нека ова биде една идеа за вашиот петочен ручек .Допржете некое компирче и свежа салата.
На здравје.