Испечати

Домашни форнети

Домашни форнети

Состојки

  • 15 готови тенки кори за пита
  • прелив за корите
  • 300 мл млеко
  • 1 лажичка шеќер
  • 1/2 коцка свеж квасец
  • 1 лажичка брашно
  • дополнително
  • 150 мл масло
  • 1 лажичка сол
  • 10 лажици брашно
  • полнење
  • 300 гр изварка измешана со 5 лажици павлака.
  • 1 јајце и сусам

Подготовка

Домашни форнети од готови кори кои се многу вкусни и едноставни за подготовка.

1. Прво во млакото млеко со шеќерот и една лажичка брашно го ставаме квасецот да се активира. Потоа го додаваме маслото, солта и брашното и убаво мешаме. Земаме една кора и со четка ја премачкуваме со три лажици од преливот. Ставаме друга кора и ја повторуваме постапката. Треба да ставиме пет кори и сите ги мачкаме. Потоа на едниот крај од кората нанесуваме фил и ја виткаме во ролат.
2. Постапката ја повторуваме со останатите 10 кори,на две места по пет и вкупно ќе добиеме 3 ролати. Ролатите ги покриваме со стреч фолија и ги оставаме да одморат еден час. Потоа ги сечеме на триаголници. Ги мачкаме со јајце, наросуваме со сусам и печеме во загреана рерна на 200 степени, 20-25 минути.

Јас во еден од ролатите додадов и рендана шунка и рендан кашкавал.
На здравје!