Роденденски млечни бомбици со крем и чоколадо
Состојки
- 3 јајца
- 150 гр шеќер
- 100 мл масло
- 150 мл млеко
- 250 гр брашно
- 1 пециво
- 1 ванила
- додаток
- 4 лажици еурокрем
- 4 лажици млеко
- глазура
- 100 гр чоколадо
- 3 лажици масло
Подготовка
Превкусни и едноставни бомбици кои за секој роденден ги обликувам во различен облик.
Пандишпан-
1. Се матат јајцата заедно со шеќерот. Се додаваат останатите состојки и се пече во округла тава бр.28. Се пече на 200С-25мин. Се оладува тестото.
2. Тестото се дроби на ситни парчиња. Во него се додава еурокремот и млекото и се меси да се добие хомогена смеса која може да се обликува.
3. Се прават бомбици кои се ставаат 30мин во фрижидер и потоа се глазираат. Вкусни, брзи и интересни за детски родендени или други прослави.