Испечати

Солена Торта со Крекери

Солена Торта со Крекери

Состојки

  • 1 пакување Крекери
  • 400гр Павлака
  • 1 мало ќесенце Мајонез
  • 150гр Фета сирење
  • 100 гр рендана шунка(за прв фил)
  • 2 јајца варени и рендани(за втор фил)
  • 3 рендани кисели краставички(за трет фил)
  • 1 рендана жолчка- за декорација

Подготовка

Вкусна и декоративна солена торта, идеално се вклопува на празничната трпеза и одлично оди како мезе. Пробајте ја задолжително.

Подготовка:
1. На почеток како основна смеса за трите фила се соединуваат павлаката, мајонезот и фета сирењето, па добиената смеса се дели на 4 дела- 3 дела за филовите, а со 4-от дел ја премачкуваме тортата одозгора. Во првиот дел ја додаваме ренданата шунка, во вториот дел ренданите варени јајца и во третиот дел- ренданите кисели краставички.

2. Редиме крекери па ги премачкуваме со првиот фил, пак редиме крекери- премачкуваме со вториот фил, редиме крекери- премачкуваме со третиот фил. Завршуваме со крекери и премачкуваме со смесата од павлака, мајонез и фета сирење.

3. Декорирајте по ваш вкус. Јас изрендав жолчка и декорирав со сусам и ленено семе. Понекогаш рендам кашкавал одозгора.

Забелешка- од целото пакување крекери искористив 28 парчиња- 4 реда по 7 крекери.

На здравје!