Лажна пастрамајлија (посно)
Состојки
- За тесто
- 450 гр. брашно
- 13 гр. свеж квасец
- 1 лажица масло
- 1 лажичка сол
- 1 лажичка пециво
- 1 лажичка шеќер
- по потреба топла вода
- Останати состојки
- 400 гр. свежи шампињони
- 1 главица кромид
- 2 чешниња лук
- по потреба сол, маслиново масло
Подготовка
Сезона на пастрамајлии, а и време на Божиќни пости, па решив да си направам моја верзија на една посна лажна пастрамајлија.
1. Од состојките за тесто заместе меко нелепливо тесто. Покријте со крпа и оставете убаво да стаса. Премесете го тестото и оставете пак да стаса. Стасаното тесто поделете го на 2 дела. Од секој дел тесто оформете топче и оставете ги да стасаат 15 минути.
2. Во меѓувреме на маслиново масло пропржете ги шампињоните исечени на покрупни парчиња. При крај на пржењето додајте го кромидот исечен на резанки. Посолете и пржете уште сосема малку.
3. Секое топче тесто оформете го во форма на пастрамајлија. Одозгора нанесете ги спржените печурки и кромид и сецкано лукче.
4. Печете на 200 степени додека поруменат. Откако ќе се испечат премачкајте ги краевите на тестото со масло и завиткајте во алуминиумска фолија да омекнат.
Послужете со лути феферончиња и расолница.