Торта Божиќен венец
Состојки
- За 3 пандишпања
- 12 белки
- 225 гр шеќер
- 6 жолчки
- 1 прашок за пециво
- 210 гр мелени лешници
- 60 гр брашно
- Темен фил
- 700 мл млеко
- 150 гр шеќер
- 6 жолчки
- 2 пудинга од чоколадо
- 1 лажичка ванила арома
- 100 гр мелени лешници
- 250 гр омекнат путер
- Бел фил
- 250 мл слатка павлака
- 100 гр мелени лешник наполитанки
- Дрип/Ганаш
- 100 гр чоколадо за готвење
- 70 гр путер
- Декорација
- 2 пакетчиња шлаг пена + 250мл млеко
- по потреба шарени шеќерни перли, цимет звезди, марципан топчиња, чоколадирани бадеми во какао, брусница
Подготовка
1. Вклучете ја рерната да се загрева на 200 степени.
Дното на модла со пречник од 26см. тенко премачкајте го со зејтин и ставете хартија за печење.
2. 4 белки изматете ги во цврст снег со постепено додавање на 75 гр. шеќер. Додадете ги жолчките и кратко изматете. На страна измешајте 70 гр. мелени лешници со 20 гр. брашно и 4 гр. (1 рамно лажиче) пециво. Ова додадете го во белките и измешајте со шпатула. Ставете во модлата за печење и печете 15 минути. Извадете го пандишпанот од модлата, отсранете хартијата за печење и оставете да олади. На овој начин подгответе уште два пандишпања.
3. 500 мл. млеко и шеќерот ставете да се вари. Во останатото млеко додадете ги жолчките и пудинзите и добро изматете со жица за матење да нема грутки. Додадете во зовриеното млеко и сварете густ фил. Тргнете на страна, додадете аромата од ванила, измешајте и ставете стреч фолија врз површината на филот. Оставете да олади. Путерот изматете го пенасто и додадете го изладениот фил. На крај ставете ги мелените лешници и измешајте со шпатула.
4. За белиот фил изматете ја слатката павлака да се згусне и додадете ги мелените наполитанки. Добро измешајте. Овој фил најдобро е да го подготвите кратко пред да ја филувате тортата, затоа што може многу да се стегне и да биде тешко за филување.
5. На чинија за торта ставете го првиот пандишпан и ставете обрач околу него. Се филува со половина од темниот фил, па со половина од белиот фил. Врз тоа ставете го вториот пандишпан и повторете со филувањето. Завршувате со третиот пандишпан. Ставете ја тортата во фрижидер да отстои неколку часа пред да ја декорирате.
6. За ганашот ставете го чоколадото да се стопи на пареа додека да стане течно. Тргнете на страна и додадете го путерот. Мешајте додека се стопи путерот. Ставете во силиконско шише со мал отвор.
Шлаг пената подгответе ја според упатството за употреба и со половина од него премачкајте ја целата торта. Декорирајте со подготвениот ганаш и украсете.