Торта со редени бисквити (без печење)
Состојки
- 48 бисквити
- 1 литар млеко
- 200 гр. шеќер
- 1 ванилин шеќер
- 2 пудинзи од кокос
- 2 пудинзи од ванила
- 150 гр. бело чоколадо
- 200 гр. путер/маргарин (на собна температура)
- 5 лажици бел еурокрем
- по потреба ладно млеко за потопување на бисквитите
Подготовка
Еве една варијанта на торта со редени бисквити, со прекрасен спој на вкусови, едноставна и лесна.
1. Во сад ги ставаме пудинзите, дел од шеќерот и мешаме. Ставаме 200 мл. од млекото и изедначуваме да нема грутчиња, а остатокот од млекото, ванилиниот и останатиот шеќер ги ставаме во тенџере да зовријат.
2. Вариме пудинг мешајќи до згуснување, го тргаме настрана и го додаваме белото чоколадо, мешаме до убаво спојување. Оставаме да се излади сосем.
3. Маргаринот/путерот го матиме заедно со белиот еурокрем, го соединуваме со изладениот пудинг и матиме да добиеме мазен фил.
4. На табла/послужавник редиме 16 бисквити претходно кратко потопени во ладно млеко, премачкуваме со 1/3 од филот, постапката ја повторуваме со втор ред бисквити па фил, трет ред бисквити и фил.
Украсуваме со рендано бело чоколадо, лешници, или по желба.
5. Тортата ја оставаме во фрижидер неколку часа.
(506)