Празнична торта (посно)
Состојки
- 400 гр варени пасирани моркови
- 250 гр шеќер во прав
- 1 филџан масло
- 12 лажици брашно
- 2 кесички ванилин шеќер
- 1 кесичка прашок за печиво
- 1 лажичка сода бикарбона
- Фил
- 400 гр мелени посни плазма бисквити
- 150 гр ореви
- 1 портокал(сок и рендана кора)
- 300 мл кока кола
- 250 гр маргарин
- 250 гр шеќер во прав
- Прелив
- 100 гр чоколадо,1 лажица масло
Подготовка
Стар рецепт но еден од најдобрите за посна празнична торта.Оваа торта толку е кремаста и вкусна што остава впечаток дека е мрсна,особено филот е прекрасен.
Морковите ги вариме и потоа ги пасираме како пире.Морковите ги матиме со шеќерот и ванилите.Потоа ги додаваме сите останати состојки убаво мешаме со дрвена лажица и печеме.Тортата ја печеме во плех со димензии 20 на 40 цм на 180 степени околу 20 минути.
Фил
Прво маргаринот го матиме со шеќерот до кремаста структура.
Во посебен сад ги ставаме мелените бисквити,мелените ореви,кората и сокот од портокал и во оваа смеса додаваме кока кола колку да се добие кремаста смеса.Од оваа смеса постепено додаваме кај маргаринот и матиме до соединување.
Тортата ја филуваме млака.
Ја прелеваме со стопено чоколадо.
На здравје!