Посна проја со ајвар
Состојки
- 400 мл вода
- 100 мл масло
- 1 кафена лажичка сол
- 4 супени лажици ајвар
- 300 гр пченкарно брашно
- 150гр бело брашно
- 1 кесичка прашак за пециво
- 1 /2 кесичка мешан микс со семиња
Подготовка
Многу лесна и вкусна проја, која може да ја направите и да ја конзумирате тамам за постите. Постапката е многу лесна, и верувам дека ќе ви се допадне на сите.
Најпрво во еден сад ги ставаме водата,маслото, ајварот, солта и постепено ги додаваме брашното и прашакот за пециво кој претходно го додаваме во брашното.
Мешаме со лажица додека не добиеме убава хомогена смеса.
Така добиената смеса ја ставаме во набрашнета тава, и од горе наросуваме со мешан микс од семиња.
Печеме во загреана рерна на 200 степени целзиусови околу 20-25 минути.
Совршен појадок...