Пирошки со ајвар и кашкавал
Состојки
- За тесто
- 500 гр брашно
- 1/2 сув квасец
- 1 лажица шеќер
- 1 лажичка сол
- 2 жолчки
- 100 гр кисела павлака
- 250 мл млеко
- За филување
- 100 гр кашкавал
- 100 гр салама
- 100 урда
- 2-3 лажици ајвар
- оригано по вкус
- За валкање
- 2 белки
- 100 гр лебни трошки
- масло за пржење по потреба
Подготовка
Еве уште една идеја за вкусен појадок..
Подготовка
1. Замесуваме тесто со млако млеко и го оставаме да стаса околу 30 минути.
2. За филот ги соединуваме сечканите салама и кашкавал на коцки, ајварот и урдата и зачинуваме со оригано. Сол додаваме по вкус и потреба.
3. Стасаното тесто го размесуваме, го делиме на парчиња и секое парче го рассукуваме. Го полниме со фил, од двете спротивни страни го преклопуваме на околу 1 см, па го виткаме во ролат. Така ги формираме сите парчиња.
4. Го загреваме маслото и секое ролатче го валкаме во разматени белки па во лебни трошки, па го пржиме во масло на средна температура.
Забелешка
По потреба додаваме брашно или пак млеко при замесување, треба да ни средно меко замесено тестото.