Чоколадна алва со лешници и ореви
Состојки
- 300 гр шеќер
- 100 мл млеко
- 50 мл масло
- 1 кесичка ванилин шеќер
- 100 гр путер
- 100 гр чоколадо
- 200 гр густин
- 5 лажици брашно
- 150 гр толчени ореви и лешници
Подготовка
Превкусна домашна чоколадна алва.
Прво во тава се ставаат шеќерот, ванилата, млекото, маслото и путерот. На тивок оган со постојано мешање се растопуваат. Се додава чоколадото искршено на коцки и повторно се меша додека се изедначи. Кога ќе почне да врие се додава густинот и постојано се меша неколку минути додека да згусне. Се додава брашното на два пати и постојано се меша околу десет минути, односно додека алвата не е готова.
Готовата алва се вади од оган и се додаваат оревите и лешниците.
Се формира по желба.
На здравје!