Комбинирана торта со три вида чоколада и слатка павлака
Состојки
- Пандишпан 1
- 5 белки
- 6 лажици шеќер
- 1 ванилин шеќер
- 1 лажица мелени бадеми
- 1 лажица сецкани ореви
- 1 лажица мелени лешници
- 4 лажици брашно
- 1 пециво
- Пандишпан 2
- 1 чаша (од 200мл) брашно
- 8 лажици шеќер
- 2 лажици мелени ореви
- 1 лажица мармалад
- 1 кафена лажица сода
- 1 чаша (од 200мл) газирана вода
- Фил 1
- 150 мл слатка павлака
- 50 гр бело чоколадо
- 1 кафена лажица путер
- 2 лажици сецкани ореви
- Фил 2
- 100 мл млеко
- 2 лажици путер
- 100 гр шеќер
- 100 гр млечно чоколадо
- 3 лажици какао
- 5 лажици мелени пишкоти
- Фил 3
- 100 мл вода
- 2 лажици путер
- 120 гр шеќер
- 200 гр чоколадо за готвење
- 5 лажици какао
- 1 лажица мелени ореви
- Дополнително ќе ви треба и
- 1 лажица мармалад
- 100 мл слатка павлака
- чоколаден прелив за декорација
Подготовка
Подготовка
Пандишпан 1
Изматете ги белките во цврст снег, постепено додадете го шеќерот и продолжете со матење додека да се стопи шеќерот. Потоа додадете ги и останатите состојки, промешајте прво со лажица, а потоа кратко со миксер.
Смесата ставете ја во нелеплива тава или тава обложена со хартија за печење и печите на 200 степени околу 10-12 минути. Проверете со чепкалка дали е испечен пандишпанот
Пандишпан 2
Во длабок сад ставете ги сувите состојки и промешајте. Додадете ги течните и пак промешајте убаво со лажица да добиете еднолична смеса.
Смесата ставете ја во нелеплива тава или тава обложена со хартија за печење и печете на 200 степени околу 10-12 минути. Проверете со чепкалка дали е испечен пандишпанот
Фил 1
Изматете ја слатката павлака
Во сад на тивок оган растопете го чоколадото со путерот и кога ќе излади додадете го кај слатката павлака. Овде додадете ги и оревите и промешајте.
(Филот ставете го во ладилник да стегни додека ги подготвувате останатите 2 фила)
Фил 2
Во сад на тивок оган ставете ги млекото, путерот и шеќерот да зовријат. Потоа тргнете го садот од оган, ставете го чоколадото да се растопи. Додадете го какаото и вратете го садот на оган и енергично мешајте. Кога смесата ќе биде прилично густа, тргнете го садот од оган и додадете ги мелените пишкоти и промешајте.
Фил 3
Во сад на тивок оган ставете ги водата, шеќерот и путерот да зовријат. Додадете ги чоколадата и какаото и мешајте додека да добиете густа и еднолична смеса. Овде додадете мелени ореви и промешајте.
Следен чекор е филување на тортата
Ставете го прво посниот пандишпан, одозгора распоредете го фил 1, врз него фил 2, врз филот 2 ставете го и филот 3. Одозгора ставете го вториот пандишпан и премачкајте со тенок слој мармалад.
Премачкајте ја тортата со слатка павлака и декорирајте со чоколаден прелив
На здравје