Кекс со јаболка и афион
Состојки
- 5 јајца
- 200 гр шеќер
- 100 гр афион
- 200 мл млеко
- 100 мл масло
- 1 пакетче прашок за печење
- 300 гр брашно
- 5 јаболка
- Прелив
- 100 гр чоколадо
- 100 мл слатка павлака
Подготовка
Изрендајте ги јаболката.
Јајцата изматете ги густо со шеќерот.
Постепено додадете ги течностите, па афионот, па брашното со пецивото.
На крај измешајте ги ренданите јаболка.
Смесата излијте ја во тава 25х30 или 20х30 ако сакате да е повисок. Мене повеќе ми се допаѓа да е понизок за да при секое залаче се осети и преливот кој е одозгора.
Печете на 180С 30-40 мин.
Во загреаната слатка павлака ставете го искршено или изрендано чоколадото. Мешајте додека се растопи и состојките се соединат. Прелијте врз кексот.
Оставете да се здрви, па сечете на посакуваните парчиња.