Смути од грозје, јаболко и урми
Состојки
- 1 помал грозд бело грозје
- 1 непрскано јаболко
- 6-7 сирки( калемени, кај мене, крупни,)
- околу 150 мл вода
Подготовка
Во чашата на нутрибулет ги ставаме зрната грозје, нелупеното јаболко, до колку е домашно и обескостените сирки(урми).
Додаваме 50 мл вода и убаво ја соединуваме цела смеса.
Дополнуваме со вода во чашата додека не ја постигнеме посакуваната густина.
По желба процедуваме низ крупна цедалка и сервираме во 2 чаши.
Консумираме веднаш.
Сирките, некои ја нарекуваат и кинеска урма,или игличка, жижула,а не знам во други краеви како се викаат.
Латинското име е Ziziphus jujube..
Овде расте како трнка, дрво, со прекрасни плодови, кои наликуваат на урми.
Јас на подарок добив од овие крупниве, калемениве.
Мене лично поголем мерак ми прават ситните, кои имаат мало семче и кои може слободно да се замрзнат.
Може одма да се консумираат и без одмрзнување.
Исклучително интересно и здраво овошје се.