Чоко капучино корпички со темперирано чоколадо

Подготовка

Темперирање на чоколадото
Најдобар начин да се топи чоколадото е на пареа во стаклена чинија над тава со вода. Скршете го чоколадото на мали парчиња и ставете го во сад на пареа. Мешајте го чоколадото само еднаш или двапати додека се топи со дрвена лажица. Подигнување и намалување на температурата на чоколадото е процес наречен темперирање. Тоа му дава остар, јасен и сјајен изглед на чоколадото. Без темперирање чоколадото нема да се задржи добро и може да ја промени бојата т.е да добие мат изглед. Откако ќе се стопи чоколадо, отстранете го од оганот и оставете да се излади до 40°С, ставете го на мермерна површина и мешајте го со спатола додека не добие температура до 30-32°С. Ако ви се излади повеќе поставете го садот назад на оганот и повторно загрејте го додека не се омекне чоколадото, но не и целосно стопено. Сега е подготвено за употреба. Ако чоколадата стане премногу цврста додека ја користите, само ставете ја назад над пареата од време на време, но не прегревајте.

Премачување на корпичките
Силиконските или хартиените корпички премачкајте ги со чоколадо со помош на четкичка. Со четкичката од внатрешната страна на калапчињата со движења од дното кон површината премачкајте ги со чоколадо. Повторете го истото со останатите корпички. Оставете ги да се изладат во фрижидер. Откако ќе се изладат премачајте ги повторно со истиот метод и оставете ги повторно да се изладат. Изладени остранете ги од калапите.

Подготовка на мусот од капучино
Скршете го чоколадото на мали парчиња и ставете го во сад на оган, додајте ја слатката павлака и капучиното и мешајте со лажица додека не се растопи чоколадото, отстранете го од оган и оставете да се излади на собна температура, а потоа во фрижидер околу 20 минути. Изладениот мус матете го со миксер додека смесата не стане пенеста.

Со помош на готварски шприц филувајте ги корпичкиките. Декорирајте по желба.