Торта со портокал (посно)
Состојки
- 300гр. брашно
- 20гр. густин
- 150гр. кафеав шеќер
- 340мл. оризово млеко
- 100мл. масло
- 1 портокал
- 15гр. пециво
- За посипување- шеќер во прав
Подготовка
Многу вкусна и мека тортичка со богат вкус на портокал.
Изрендајте ја кората на портокалот, а портокалот исечете го на коцки и ставете го во блендер.
Во блендерот додајте ги млекото и маслото и изблендирајте убаво.
Во сад измешајте ги брашното, шеќерот, густинот, пецивото и кората од портокал.
Мешајќи со жица за матење, постепено додавајте ја изблендираната смеса од млеко, масло и портокал.
Ставете ја смесата во округол калап бр. 26( премачкан со масло и набрашнет).
За малку повисока користете калап 24цм.
Печете на 180 степени, 40-45 минути.
Оставете ја тортата да олади па посипете со шеќер во прав.