Бисквитни колачиња со кокос (без глутен)
Состојки
- 200гр. оризово брашно
- 1 помало јајце
- 50гр. интегрален кокосов шеќер
- 4 лажици кокос
- 50мл. масло
- 30мл. вода
- 8гр. ванилиа
- 7гр. пециво
Подготовка
Со жица за матење изматете го јајцето со шеќерот и ванилата.
Додајте го маслото, водата и промешајте.
Потоа додајте ги пецивото, кокосот и брашното.
Замесете тесто.
Ако има потреба додајте уште сосема малку брашно.
Завиткајте го тестото во најлонска фолија и оставете го да отстои во фрижидер 30 минути.
Меѓу 2 листа хартија за печење(долната хартија малку посипана со оризово брашно) од тестото расукајте кора.
Вадете форми по желба.
Наредете ги колачињата во плех обложен со хартија за печење.
Печете на 180 степени 10-15 минути.