Колач со црни (модри) сливи со цимет и чоколадо
Состојки
- 2 јајца
- 15 лажици шеќер
- 1 ванилин шеќер
- 100 мл. масло
- 1 лажичка цимет
- 1 пециво
- 15 лажици брашно
- 7 лажици кисело млеко
- 150 гр. чоколадо за готвење (рендано)
- 12 црни сливи за во колачот
- 5 црни сливи за врз колачот
- по потреба шеќер во прав
Подготовка
1. Јајцата, шеќерот и ванилиниот шеќер ги матиме со миксер, да се стопат шеќерите, го додаваме маслото и киселото млеко, изедначуваме.
2. Го додаваме брашното, пецивото и циметот (претходно просеани заедно).
3. Во смесата ги додаваме 12-те ситно исечкани црни (модри) сливи, мешаме со шпатула.
4. Во тавче бр.26 обложено со хартија за печење, истураме 1/2 од смесата и врз неа го распоредуваме ренданото чоколадо, а потоа го дотураме останатиот дел од смесата.
5. Одозгора ги редиме 5-те црни (модри) сливи исечкани на кришки.
6. Колачот го ставаме во загреана рерна на 200 степени да се пече 20 минути, а потоа намалуваме на 180 степени и печеме уште 40-тина минути, но за секој случај проверуваме со чепкалка.
7. Штом се излади колачот-торта го посипуваме со шеќер во прав и служиме.