Испечати

Посни баварски переци со маслиново масло

Посни баварски переци со маслиново масло

Состојки

  • 1 кг брашно
  • 1 свеж квасец + 250 мл топла вода + 1 лажичка шеќер
  • 250 мл млака вода
  • 2 лажички сол
  • 6 лажици маслиново масло
  • ким за посипување
  • За варење на переците
  • 2 л вода
  • 6 лажици сода бикарбона
  • 4 лажици сол

Подготовка

Во еден сад го ставаме брашното. Квасецот со водата и шеќерот го ставаме да надојде, па го додаваме во брашното. Го додаваме маслото и солта и замесуваме тесто, кое не треба да се лепи за рацете. Го оставаме тестото да одмори 30 мин.
Потоа во тенџере ставаме 2 л вода со сода и сол да зоврие. Ги правиме переците и ги спуштаме во водата што врие на 30 секунди, ги вадиме и ги редиме во плех обложен со намрсена хартија за печење. Посипуваме ким и ги ставаме переците да се печат, во загреана рерна на 200 степени околу 20 мин.