Мус торта со огледало глазура
Состојки
- За бисквитот
- 90 гр. ситно мелени лупени бадеми
- 100 гр. шеќер во прав
- 110 гр. белки од јајца
- 27 гр. шеќер
- Огледало глазура
- 170 гр. вода
- 165 гр. шеќер
- 17 гр желатин
- 85 гр. ладна вода за желатинот
- 230 гр. гликозен сируп
- 135 гр. кондензирано млеко
- 30 гр. слатка павлака
- 15 гр. кафеав путер
- 225 гр. бело чоколадо
- Мус од бело чоколадо
- 200 гр. бело чоколадо
- 350 гр. слатка павлака
- Мус од горко чоколадо
- 200 гр. горко чоколадо
- 350 гр. слатка павлака
- Срце од јагоди
- 30 гр. шекер
- 300 гр. јагоди
Подготовка
Подготовка на бисквитот
Рерната се загрева на 175 °. Белките и шеќерот матете ги со миксер додека смесата не стане пенеста. Ситно мелените лупени бадеми и шеќерот мешајте ги и поминете ги преку цедалка, додадете ги кај белките, а потоа полека со спатола се размешајте ја смесата. Во тава за печење обложена со хартија за печење пренесете ја смесата во дебелина од 2-3 мм. Печете 5-10 минути. Оставете да се лади.
Подготовка на срцето од јагоди
Исецкајте ги јагодите, испасирајте ги и прецадете ги со цедилка. Во тенџере на оган додајте ги прецедените јагоди и шеќерот варете ги додека не се растопи шеќерот. Изладената смеса ставете ја во калап и оставете ја да се лади во заледувач додекека не се заледи. Во моментот кога ќе се реди тортата треба да биде заледено.
Подготовка на мусот од бело и мусот од горко чоколадо
Сецканото белото чоколадо и слатката павлака ставете ги во тенџере на оган додека не се растопи чоколадото, тргнете ги од оган и оставете ги да се ладат на собна температура околу 20 минути, а потоа ставете ги во фрижидер на ладење околу еден саат. Откако ќе се излади смесата изматете ја со миксер додека смесата стане пенаста.
Истата процедура повторете ја и со горкото чоколадо.
Подготовка на огледало глазура
Додајте го желатинот во ладната водата за желатин да омекне 10 минути. Во тенџере на оган додадете ги водата и шеќерот и зовријте ги до 103° температура, Тргнете ги од оган и додајте го желатинот и размешајте ја смесата да се растопи желатинот. Потоа додадете ги кондезираното млеко, ситно сецканото чоколадо, кафеавиот путерот и слатката павлака, а на крај додадете ја и прехрамбената боја. Кафеавиот путер слободно можете да го замените со обичен путер.Размешајте ја глазурата и прецедете со цедалка неколку пати додека стане мазна.
Најдоле од тортата ставете го бисквитот, а потоа еден по еден мусовите, а измегу мусовите вметнете го заледеното срце од јагоди и ставете ја тортата да се лади во замрзнувач неколку часа, јас ја оставам преку цела нок. Изладената торта полијте ја со огледало глазурата. Ако глазурата ви е изладена ставете ја на пареа и стоплете ја до 40 степени и поминете ја повторно со цедалка. Исто ако ви остане глазура можете да ја држете во фрижидер и да ја топлите на пареа секој пат кога ке ви треба во рок од две недели. Декорирајте по желба.