Торта со капини (чизкејк)(без печење)
Состојки
- Подлога
- 300 гр мелени бисквити
- 3 лажици шеќер во прав
- сок од еден лимон
- 250 гр путер
- Крем
- 500 мл слатка павлака
- 250 гр маскарпоне
- Желе од капини
- 500 гр капини
- 5 лажици шеќер
- 300 мл вода
- 1 кесичка желатин
Подготовка
Освежителна,лесна и многу вкусна торта.
Подлога
Путерот го топиме и го додаваме кај мелените бисквити во кои претходно сме додале шеќер во прав и сок од лимон.Ја месиме смесата и ја ставаме во калап со обрач и убаво ја плескаме со раце.
Крем
Прво ја матиме слатката павлака, па го додаваме маскарпонето и се заедно матиме.Кремот го ставаме врз подлогата и ставаме во фрижидер.
Желе
Капините,шеќерот и водата ги вариме околу десетина минути.Желатинот растворен според упатството го додаваме кај капините и оставаме желето да олади околу половина час.Потоа лажица по лажица желатинот го ставаме врз кремот и целата торта ја оставаме во фрижидер нај малку три часа а најдобро преку ноќ за убаво да се излади.
На здравје!