Компир крокети со зелени маслинки
Состојки
- 450 гр компир
- 1 јајце
- 1 лажичка пченичен гриз
- 2 лажици брашно
- 1 лажица магдонос
- 1 лажица сирење
- 1/4 лажичка прашок за пециво
- Прстофат сол
- Бибер сол, зачини и 2 листови жалфија
- Масло за пржење
- За похување
- 1 јајце
- 100 гр брашно
- 100 гр презла
- 30 гр сусам
- 8-10 зелени маслинки
Подготовка
Претходно лупениот компир го ставаме да се вари и додаваме малку сол. Откако ќе се свари компирот го процедуваме и пасираме со вилушка. Така испасиран и оладен во компирот ги додаваме останатите состојки и убаво ги соединуваме. Смесата треба да биде малку леплива. На дланките ставаме брашно, земаме од смесата ја растегнуваме малку и на средината ставаме зелена маслинка и формираме крокети. секое парче го ставаме во брашно, јајце и презла. Во садот за пржење ставаме масло и 2 листа жалфија. Кога убаво ке се загрее маслото ги пржиме крокетите. Ги процедуваме на хартиена салфета па сервираме.