Бомбици од суви кајсии и мелени ореви
Состојки
- 150 гр суви кајсии
- 80 гр суво грозје
- 80 гр шеќер
- 100 мл вода
- 2 лажички мармалад од портокал
- 120-150 гр мелени ореви
- За декорација
- 100 гр црно чоколадо
- 1 лажичка масло
- Бел стоби флипс
Подготовка
Во еден сад ставаме шеќер и вода, го ставаме садот на тивок оган и ги додаваме кајсиите и сувото грозје. Вариме околу 4-5 минути додека овошјето не омекне. Треба да остане една до две лажици од сирупот. По желба можете да ги испасирате или да ги оставите на парчиња. Потоа ги додаваме останатите состојки и добро ги соединуваме. Ги формираме бомбиците и оставаме да се потсушат 2-3 часа. Ги преливаме со растопено чоколадо со масло, ги декорираме и сервираме.