Крофни со пченкарно брашно, урда и пиперки (апарат за крофни)
Состојки
- 3 Јајца
- 10г.л. Брашно
- 14г.л. Пченкарно (царевно) брашно
- 300мл Јогурт
- 150мл Зејтин
- 1 Пециво
- 200гр Урда
- 2 Пиперки (црвени, сецкани)
- по вкус сол, магдонос, сусам
Подготовка
Здраво и вкусно, брзо за подготовка, за само пола час ќе имате околу 45 крофнички за појадок на вашата трпеза.
Подготовката е следна
1. Ги миксираме кратко јајцата, ги додаваме јогуртот и зејтинот, па другите останати состојки, од кои на крај брашното и царевното брашно.
2. Соединуваме убаво и ги печеме крофничките во апарат за крофни.
3. Јас најпрво ставам сусам, па истурам од смесата и пак одозгора им ставам сусам...така ни се повкусни.
Совет - доколку немате апарат за крофнички, можете смесата да ја истурите во тавче, наросете одозгора сусам, испечете и сечете на парчиња. Послужете со чаша јогурт или кисело млеко.
Пиперките се испечени, па излупени и исецкани на ситни парчиња.