Испечати

Мамини грклани

Мамини грклани

Состојки

  • За гркланите
  • 1 пакување лиснато тесто (500 гр.)
  • Фил
  • 250 мл. слатка павлака
  • 2 пудинга од ванила (по можност Бурбон ванила)
  • 2 лажици густин
  • 5 лажици шеќер
  • 500 мл. млеко
  • 20 калапчиња за грклани

Подготовка

Едноставен и брз рецепт за подготовка на превкусни грклани.

Калапчињата за гркланите се завиткуваат со хартија за печење.

Во едно пакување на лиснато тесто има 2 плочки кои треба убаво да се одмрзнат пред да се расукаат на големина од 20х40см.
Рерната се вклучува на 180-200 степени.

Од секоја плочка се сечат 10 ленти широки 2 см - значи од двете плочки се добиваат вкупно 20 парчиња.
Секое парче се витка спирално околу калапчето и се става во плех покриен со хартија за печење.
Гркланите се печат 15-20 мин. и печени веднаш се вадат од калапите и се оставаат да се изладат.

Пудинзите, густинот и шеќерот се варат во млекото. Кремот се остава да се излади. Павлаката се мати убаво и се меша со кремот.
Гркалните се полнат и се посипуваат со шеќер во прав или растопено чоколадо.

Уживајте...