Полнети пиперки со киноа, ориз и мелено месо
Состојки
- 8 големи црвени пиперки
- 1 главица кромид
- 120 гр киноа
- 200 гр ориз
- 300 гр мелено месо
- 1 кафена лажица мелен црвен пипер
- 1 лажица сецкан магданос
- 1/2 кафена лажица мешан сув зачин
- сол по потреба
- 2 домати
- околу 1л вода
- 1 коцка за супа
Подготовка
Ги обожавам! Ова е едно од моите омилени јадења.
Подготовка
Пиперките измијте ги и отстранете им ги рачките и семките.
Ситно исецканиот кромид запржите го во загреано масло малку да зарумени, потоа додадете го меленото месо (пржите 2-3 мин) потоа додадете киноа, ориз и на крај црвена пипер, сецкан магданос и мешан сув зачин.
Од оваа смеса ставете по две супени лажици во секоја пиперка и затворете ја со парче домат.
Пиперките наредете ги во тава за печење
Во тенџере на оган ставете ја водата и коцката за супа да зовријат, потоа додадете во тавата кај пиперките.
Печите во загреана рерна на 200 околу 45 мин.
Добар апетит
Забелешка
Може да додадете 2 - 3 чешниња лук во смесата за полнење, доколку сте љубители на лук.