Брзо пилешко филе со сланина
Состојки
- 800 гр пилешко филе
- 100 гр димена сланина
- 400 гр свежи печурки(шампињони)
- 500 мл неутрална павлака
- 50 гр путер
- 1 лажица сенф
- сол, шарена сол
Подготовка
Многу ги сакам брзите ручеци кои не заостануваат по вкус на оние кои одземаат многу време. Пилешкото филе секогаш е идеално месо за подготовка на брз, а истовремено превкусен ручек. Бидејќи секогаш користам свежо филе прво филето го варам околу 5 до 10 минути.
На растопен путер во кој сме додале неколку капки масло за јадење го пржиме филето околу 5 минути.
Печурките претходно сецкани ги додаваме кај месото и заедно пржиме додека не испари течноста. На крај ја додаваме сланината и пржиме уште неколку минути. Додаваме сенф и зачини и убаво промешуваме.
На крај ја ставаме павлаката и оставаме да динста околу 5 минути.
Сервираме топло.