Интегрални палачинки (посно, веган)
Состојки
- 100 гр. интегрално брашно (ржано)
- 1 ќесичка ДмБио пециво
- 1/2 ќесичка ванилин шеќер
- 250мл. оризово млеко
- 1-2 лажичиња Агаве сируп
- Кисела вода (по потреба)
- Мармалад (или намаз) по желба
Подготовка
Постојат безброј рецепти за еден од најомилените десерти - палачинки.
Потрагата и експериментирањето за вакво тесто за палачинки траеше долго, а се издвојува по тоа што содржи само посни состојки и интегрално брашно.
Постапка
Чекор 1 - Се мешаат заедно интегралното брашно (ржано или друго по Ваша желба), ванилиниот шеќер и пецивото.
Чекор 2 - Оризовото млеко се меша со агаве сируп и се додава малку кисела вода по потреба за да се разреди тестото.
(Може да се користи и друго растително млеко. Во овој рецепт е користено оризово млеко во прав, подготвено според упатство)
Чекор 3 - Се мешаат сите состојки заедно и добро се промешува смесата.
Чекор 4 - Тестото за палачинки се остава да одмори 30-60 мин.
Чекор 5 - Палачинките се пржат на умерена темпратура во тава за палачинки по неколку минути од двете страни.
Совет - Чувајте ги затворени откако ќе ги извадите на чинија за да бидат помеки.
Чекор 6 - Готовите палачинки се мачкаат со мармалад со кајсии (или друг џем/мармалад/намаз по Ваш избор), се преклопуваат (како на сликата) или се виткаат, се сервираат и се декорираат.
Напомена - Од наведените состојки излегуваат 4 палачинки со средна големина, но слободно зголемете ја дозата соодветно за поголема количина според вашите потреби.
Уживајте во вкусното задоволство!