Солени ролатчиња со спанаќ

Подготовка

Рецептов го најдов по интернетот и беше како еден ролат.  Мене потребата ми беше за ситни залачиња и затоа направив два помали ролати.
За тестото, избијте ги јајцата па додајте ги другите состојки и убаво со маталка измешајте. Спанаќот убаво со рака исцедете го.
Печете во загреана рерна на 200 степени, а плехот прекријте го со хартија.
После печењето, тестото завиткајте го во ролат, на влажна кујнска крпа.
Сварете 4 јајца за филовите. За првиот фил ставете ги во блендер жолчките и шунката и изблендирајте ги, па додајте го путерот и зачинете по вкус.
Смесата поделете ја на два дела. На најлонска фолија направете колабвчиња со должина на потесната страна од тестото. Стегнете ги во фолијата и ставете ги во фрижидер, отприлика еден час, убаво да се стегнат.
Кога ќе бидат убаво стегнати, направете го другиот фил. Исто во блендер ставете ги белките и убаво иситнете ги.
Во нив ставете ги сирењата, путерот, посолете ако не ви е доволно солено и со виљушка убаво измешајте, да се соедини.
Тестото извадете го од крпата и премачкајте го со белата смеса. Поделете го на два дела. На средината од секој дел ставете ги колбавчињата од другиот фил и направете две ролатчиња. Завиткајте ги со фолија и ставете ги во фрижидер до служење.