Торта Големата Мајка
Состојки
- За пандишпан
- 3 јајца
- 5 лажици шеќер
- 6 лажици брашно
- 30 мл масло
- 1 пециво
- 2 лажици маџун
- За фил
- 2 црни чоколада за готвење
- 100 гр маргарин
- 3 полни лажици какао
- 100 гр шеќер
- 50 мл вода
- 100 гр ореви
- За фондан
- 2 полни лажици мед
- 70 гр маргарин
- 7 гр желатин
- 30 мл вода
- 300 гр шеќер во прав
- околу 50 гр густин
Подготовка
Можеби не е професионална изработка, бидејки ова ми е прво искуство со фондан, но љубовта кон мојата професија (историја, археологија) , ме натера да направам едно вакво дело и да го објавам на оваа прекрасна страна. Со цел, за промоција на македонското културно наследство, од богатиот трезор на македонската ризница, издвоив еден уникатен и специфичен предмет од неолитскиот период.
Пандишпан
Белките изматете ги во цврст снег па додадете го постепено и шеќерот и продолжете со матење додека да се стопи шеќерот. Потоа, додајте ги и жолчите, маслото, маџунот и на крај просеаното брашно со пециво. Изматете уште малку со миксер, да добиете еднолична смеса.
- Смесата ставете ја во правоаголно тавче обложено со хартија за печење и печите на 200 степени околу 15 мин.
- Пандишпанот поделете го на два еднакви дела или на четири (како што направив јас) за две помали тортички.
Фил
Во тенцере на оган ставете ја водата, маргаринот и шеќерот да зовријат. Потоа додадете ги чоколадата и какаото и мешајте со лажица додека да добиете еднолична смеса. Потоа, додадете мелени ореви, промешајте и филот е готов
Врз едниод дел од пандишпанот ставете фил и затворете со другиот дел од пандишпанот.
Фондан
-Ставете го желатинот во вода да набабри.
-Во тенџере на оган ставете го медот и шеќерот и мешајте со лажица да се стопат. Потоа, додадете го желатинот и повторно мешајте со лажица за да добиете еднолична смеса.
Ставајте полека од шеќерот во прав и замесете тесто, постепено додавајки го и густинот. Додадете кафена боја.
Расукајте кора и постелете врз пандишпанот. Од фонданот формирајте ја и главата на Големата мајка, така што тоа ќе го направите само од подебел слој на фондан или со правоаголно делче од пандишпанот ќе го обложите со фондан и ќе го додадете врз тортата. Во долниот дел ќе ставите чепкалка за да може да влезе во пандишпанот и да ја држи главата цврсто.
Рацете направете ги со слободна рака и исто прицврстете ги со чепкалка.
Забелешка
Видов повеќе рецепти за фондан. Овој ми беше лесен за подготовка, само што направив мали измени и многу помалку искористив шеќер во прав отколку што пишуваше по рецептите на интернет и добро испадна.
- Ако го оставите фонданот подолго време, ќе биде потешко за работа.