Домашна лимонада со цели лимони
![Домашна лимонада со цели лимони](https://moirecepti.mk/content/uploads/2020/08/20200730_121406-8a3b88-300x300.jpg)
Состојки
- 2 лимони
- 1 портокал
- 1 литар вода
- шеќер или мед по вкус
Подготовка
Оваа лимонада е превкусна и често чувам бокал свежа лимонада во фрижидерот приготвена на овој начин.
Потребно е лимоните и портокалот да отстојат во вода со сода бикарбона претходно 1 час најмалку и потоа убаво да се измијат. Ако имате дрво со домашни лимони е идеално.
Двата цели лимони се користат со се лушпа, а портокалот се лупи зашто неговата кора горчи. Заедно со вода се ставаат во нутрибулет убаво да се изблендираат и потоа густиот сок се цеди преку крупна цедалка. Низ сокот треба да има ситни делчиња од овошјата. Се додава вода до 1 литар и се заблажува по желба.
Се додава мраз и се послужува.
Вкусот на вака подготвената лимонада е многу поинаков отколку со цедење само на сокот од лимон. Пробајте!