Домашни лепчиња за гиро
Состојки
- 1кг брашно
- 1 коцка квасец
- 1 кесичка прашак за пециво
- 100 мл јогурт
- 1 лажичка сол
- 300 мл млеко
Подготовка
Превкусни домашни лепчиња кои најчесто ние ги користиме како лепчиња за гиро, ама секако се превкусни да се јадат со сиренце, или други додатоци.
Инаку се прават многу брзо.
Во сад за месење ги додаваме брашното, солта, квасецот прашакот за пециво и постепено додаваме од млекото и јогуртот.
Месиме додека не добиеме убаво не многу јако тесто.
Тестото не го оставаме да надојди туку веднаш го правиме топчиња и од секое растегнуваме лепче кое го пржиме во загреано масло.
Откако се готови, ги полнеме по желба, кај нас овај пат беше со пилешко месо, кромидче, салата и многу зачини.