Чоколадна торта 25 Јули
Состојки
- Пандишпан со урми ( состојките се за 1 пандишпан, печеме 2)
- 14 Белки
- 11г.л. Шеќер
- пола шол Урми (сецкани)
- 2г.л. Брашно
- 2г.л. Презла (лебни трошки)
- пола Прашок за пециво
- 100гр Ораси (мелени)
- Пандишпан со сецкани ораси
- 12 Белки
- 12г.л. Шеќер
- 8г.л. Ораси (мелени)
- 8г.л. Презла (лебни трошки)
- 2г.л. Брашно
- 1 Прашок за пециво
- 200гр Ораси (сецкани)
- 300гр Еурокрем
- Фил
- 40 Жолчки
- 35г.л. Шеќер
- 600гр Црно чоколадо ( за готвење )
- 150мл Млеко
- 3 Маргарин
- 150гр Ораси (мелени)
- Декорација
- 500мл Слатка павлака
- 2 Шлаг крем (од ванила)
Подготовка
Оваа торта ја направив со многу љубов за роденденот на мојата втора среќа, моето синче, кое наполни 6 години...па затоа и го дадов тоа име, според датумот кога е роден.
Подготовката е на следниот начин
1. Правиме 2 исти пандишпани со урми (се матат пенасто белките со шеќерот, па ги додаваме останатите состојки). Печеме на 180 степени 30 минути.
2.Правиме 1 пандишпан со сецкани ораси (на ист начин како другите 2 пандишпани). Се ставаат рамномерно сецканите ораси врз хартијата за печење, а врз нив ја ставаме смесата за пандишпанот. Печеме на 180 степени 20 минути. Врз млакото тесто премачкуваме со кремот од страната со сецкани ораси.
3. Филот е чоколаден, ги вариме на пареа сите жолчки заедно со шеќерот додека да се згуснат, па ги соединуваме со стопените чоколада со млекото. Оставаме да се излади, па соединуваме со претходно изматените маргарини (или путер) на собна температура и ги додаваме мел.ораси. Го делиме на 3 дела.
4. Декорираме со изматена слатка павлака соединета со претходно изматени 2 шлаг крем од ванила и додатоци по желба.
Забелешка - Сецканите урми ги ставаме во брашното и ги одделуваме една од друга, бидејќи се лепат.
Делот со песок е од мелена плазма и сребрени светки измешани заедно.
Бидејќи се многу жолчки, тој дел од филот го правев на двапати, односно по 20.