Чоколадна крем торта (без печење)
Состојки
- Подлога
- 150 г ситно кршени Винчини петит бер бисквити
- 2 лажици какао
- 100 г растопен путер
- Фил
- 500 мл кисела павлака 20% масленост
- 300 мл неутрален крем за готвење
- 300 г чоколадо (користев 2 темни и 1 млечно чоколадо со бисквити)
- 100 г шеќер во прав
- Глазура
- 200 мл неутрален крем за готвење
- 100 г чоколадо за готвење
- 1 полна лажица Винчини какао крем
Подготовка
Налик на чизкејк само многу побрза и поевтина варијанта, а резултатот фантастичен, тортата е превкусна, кремаста, лапни голтни. Подготовката е едноставна и брза.
Подготовка
Прво подгответе ја подлогата, искршете ги бисквитите, додадете го какаото и додадете го претходно растопениот путер. Измешајте убаво и оваа смеса натапкајте ја во калапот за торти со обрач. Ќе ви треба не многу голем калап, најдобро 24-26цм.
Потоа растопете го чоколадото за филот и тргнете го на страна малку да се олади. Изматете го кремот за готвење кој претходно мора да седи во фрижидер на ладно, откако ќе се згусни и ќе се направи како крем, додадете ја киселата павлака, шеќерот во прав и растопеното чоколадо и кратко изматете колку да се соеднинат сите заедно. Нанесете го филот рамномерно врз подлогата и веднаш ставете ја тортата во замрзнувачот.
Подгответе ја глазурата по 10тина минути, растопете го чоколадото во кремот за готвење, додадете и какао крем и загревајте и мешајте додека не се изедначи смесата. Извадете ја тортата од замрзнувачот и прелејте ја глазурата врз филот и повторно вратете ја во фрижидер убаво да се излади. Декорирајте по желба. Тортата се прави буквално за половина час. Воопшто не е мачна, а за вкусот нема расправа, превкусна е. Од тортата излегуваат 12 парчиња.