Испечати

Чорба со карфиол (посно)

Чорба со карфиол (посно)

Состојки

  • 500 гр чистен карфиол
  • 2 мали компири
  • 1 морков
  • 1 парче од 10 цм праз
  • 2 чешниња лук
  • 1/4 мала главица кромид
  • 2 гранчиња магдонос
  • 10 лажици масло
  • 1,2 л вода
  • по вкус сол, бибер и мешан сув зачин

Подготовка

Во колекцијата на посни чорби од зеленчук ми недостасуваше и една со карфиол, па си ја направив овие денови. Ваквите чорби најпогодни ми се за спремање посебно сега кога е време на пости.
Водата ставете ја зоврие. Потоа додајте ги компирот и морковот излупени и исечкани на плочки. Оставете ги да варат 10 мин а потоа додајте го карфиолот искинат на помали парчиња, празот, лукот и кромидот исечкани на ситно, магдоносот, маслото и зачините по вкус. Оставете ги да се доварат уште 15-на минути да омекнат.
Сварениот зеленчук изблендирајте го. Добиената чорба послужете ја топла со салата по желба и потпечено лепче.