Сладолед торта со малини и чоколадо (без печење)
Состојки
- Основа
- 400 мл слатка павлака
- 300 мл кисела павлака
- 200 гр шеќер во прав
- Додатоци
- 200 гр мелени бисквити
- 200 гр малинки
- 100 гр чоколадо
Подготовка
Ммм... малини од дворче, пресно набрани во вкусна летна тортичка вткаени )))
Во сад за матење ја матиме слатката павлака. Откако сме ја изматиле ја додаваме киселата павлака и дел по дел од шеќерот во прав со матење на миксерот.
Тортата е солидно блага. Моја препорака би била да смалите на шеќерот на пример на 150 гр.
Крем основата ја делиме на 3 дела.
Во едниот ги додаваме мелените бисквити, мешаме со лажица и го распоредуваме во калап на откопчување (22).
Во другиот ги додаваме малините. Исто така мешаме со лажица и го распоредуваме врз подлогата од бисквити.
Претходно топиме на пареа едно чоколадо кое во меѓпувреме не е жешко, а сепак е течно и го додаваме во третиот слој. Мешаме, па го распоредуваме врз слојот со малинки. Убаво израмнуваме и калапот го оставаме во фрижидер преку ноќ.
Следниот ден го вадиме од калапот, украсуваме и сечиме на парчиња.
Благодарност до мојата виртуелна пријателка Гала за рецептот.