Печени тиквички со куркума (посно)
Состојки
- 1-2 тиквички по потреба
- За валкање
- 5-6 лажици брашно
- 4-5 лажици масло
- 1 лажица мешан сув зачин или сол по вкус
- 1 лажичка куркума
- 1/2 лажичка бибер
- прстофат сушен магдонос
- малку вода за регулација на густината на смесата
Подготовка
Изнајдов начин да не ги пржам тиквичките, а сепак да ми бидат посни и вкусни. Ви го предлагам овој едноставниот, а вкусен посен рецепт.
Подготовка
1. Тиквичката ја миеме и ја сечеме на кругови.
2. Смесата за валкање ја подготвуваме така што сите состојки ги соединуваме и смесата треба да ни биде густа како смеса за палачинки.
3. На плехот ставаме хартија за печење.
4. Секое парче тиквичка го макаме во подготвената смеса и го редиме во тавчето.
5. Ги печеме на околу 180 степени, а може и на послаба температура.
Забелешка
Смесата за валкање ја правев од око, така да ако не е доволна за сите тиквички, набрзина се подготвува повторно.
Ако случајно ви останат печени тиквички, можете да ги сомелете во блендер и да си подготвите намаз по вкус. Во него може да додадете кисела павлака и лукче, ако не постите или пак посен мајонез ако постите.