Испечати

Интегрална торта со јаболка (посно)

Интегрална торта со јаболка (посно)

Состојки

  • 150 гр интегрално брашно
  • 100 гр брашно од хељда
  • 100 гр бело брашно
  • 200 гр кафеав шеќер
  • 75 мл масло
  • 350 мл вода
  • 1 (12 гр) прашак за пециво
  • 1 ванилен шеќер
  • 1 лажица екстракт од ванила
  • 1/2 лажиче цимет
  • За одозгора
  • 2 средни јаболка
  • 50 гр суво грозје
  • по потреба шеќер во прав за посиповање на печената торта

Подготовка

Ем посна ем вкусна тортичка, со прекрасен мирис...
Јаболката излупете ги и исечкајте ги на помали парчиња.
Тава за печење бр.26 намачкајте ја со масло и посипете ја со брашно.
Рерната вклучете ја да се загрее на 180 степени.
Во сад измешајте ги сите три брашна, шеќерот, ванилата и пецивото. Додајте ги водата, маслото, екстрактот и циметот. Убаво измешајте да се изедначи смесата.
Смесата турете ја во тавата а одозгора наредете ги прво сувото грозје а после јаболката, а кој сака може да си додаде и неколку сецкани оревчиња.
Ставете ја да се пече околу 40-45 мин или времето одредете го спрема вашата рерна. Оставете ја да олади и пред служење посипете ја со шеќер во прав.