Лепињи со млада тиквичка

Подготовка

Многу вкусно лепче е мојот денешен предлог.
Јас подготвив од половина количина на состојки и испеков 4 лепињи.
Ржаното брашно, до колку не го саката може да го замените со бело, спелтино, хељдино...брашно.

Може да се наполнат и како тортиљи, сендвичи, меки се. Со полнење по ваш избор

Во вангличка се ставаат сол, бибер, јајца, рендана тиквичка, пециво, брашно.
Прво промешуваме со вилушка па го додаваме млекото.
На набрашнета маса го истураме тестото и онака, без многу месење, убаво го соединуваме.
На посоп од брашно ги расукуваме лепињите.
Загреваме тава на умерен оган.
Ставаме по 2-3 капки масло и ги пржиме прво од едната, па од другата страна додека не заруменат.
Сервираме топли.
До колку ги замотате во чиста кујнска крпа, меки се и наредниот ден.
Брашното можеби ќе варира со минимални количини, но тоа зависи од водливоста и големината на тиквичката.