Испечати

Божиќна торта (Божиќен календар 29)

Божиќна торта (Божиќен календар 29)

Состојки

  • 100 гр. сушени смокви
  • 100 гр. урми
  • 100 гр. сушени кајсии
  • 100 гр. сушени сливи
  • 100 гр. сушено бело грозје
  • 100 гр. сушено црно грозје
  • 100 гр. сушени цреши
  • 100 гр. сушена црвена боровинка
  • Сок од 1 портокал
  • 150 мл. бренди или темен рум
  • Кандирана кора од 1 портокал, 1/2 лимон и 1 лимета
  • 70-80 гр. кандирани цреши
  • 4-5 смокви од слатко од диви смокви
  • 60-70 гр. лупени бадеми
  • 230-250 гр. брашно
  • 4 јајца
  • 150 гр. темен мусковадо шеќер
  • 200 гр. путер

Подготовка

1. Сувото овошје се сечка на ситно, се додава 100 мл. бренди или рум и сокот од портокал и се остава за 24 часа (најмалку 12 часа).

Продуктите треба да се на собна температура.
1. Во еден сад се става путерот и шеќерот и се мати да се соедини.
2. На путерот му се додаваат јајцата едно по едно и се мати да се соедини.
3. На смесата со путерот се додава брашното и се мати колку да се соедини.
4. Бадемите се потпекуваат малку во рерна.
5. Во смесата се ставаат овошјето и бадемите и се меша со лажица или шпатула да се соедини.
6. Смесата се префрла во модла со високи ѕидови или тенџерче (без пластика по него) со дијаметар 20-22 сантиметри на 2-3 пати, за да може убаво да се распредели. Во садот каде што се печи се става хартија за печење најпрво од страните, а потоа и во центарот (на сликата е покажано). По ѕидовите е убаво хартијата да е 2 слоја затоа што тортата се печи многу долго и може да изгори, исто така хартијата треба да излегува 2-3 сантиметри над работ на садот.
7. Тортата се печи на 140-150 степени најмалку 3 часа, на третиот час се пробува со чепкалка дали е готово, се печи уште колку е потребно, ако е потребно се става хартија за печење и одозгора (ако тортата многу потемнува).
8. Откако е готова тортата се вади од рерна и се остава да се поолади во модлата 20-30 минути, потоа се вади на решетка да се доолади, но се завиткува во најлонче (без да се допира до тортата), при што треба да се направат отвори на најлончето за тортата да може да диши, но не да се исуши.
9. Откако ќе се олади целосно тортата се прават дупчиња и со лажица се залива со останатиот алхохол.
10. Тортата се завиткува убаво во фолија и се остава на ладно, но не во фрижидер, за да не се исуши (треба да се остави да стои 3-4 седмици) затоа сега е идеалниот момент да се направи.